Litvaliklar migrantlar oqimidan xavotirda

Litvada migrantlar uchun yangi qoidalar muhokama qilinmoqda. Seymda oilalarni o’zlari bilan olib kelish imkoniyatini cheklash bo’yicha takliflar bildirildi. Hozirda Litvada uch yil ishlagan va ish beruvchisini o’zgartirmagan chet elliklar oilani birlashtirish uchun ariza berishlari mumkin. Shu sababli, deputat Vitautas Sinitsaning so’zlariga ko’ra, kelgusi yillarda mamlakatga nafaqat Markaziy Osiyodan, balki Hindiston, Pokiston va Bangladeshdan ham 60 000 gacha odam kelishi mumkin.

Biroq litvaliklar bir migrant bilan bir necha qarindoshi kelishi mumkinligidan xavotirda. Sinitsa bu shahar madaniyati va demografiyasini o’zgartirishi mumkin deb hisoblaydi. Uning so’zlariga ko’ra, «Ba’zan bir migrant to’rtta qarindoshini olib kelishi mumkin». Uning fikricha, agar bu jarayon ikki yoki uch yil davom etsa, immigrantlar soni sezilarli darajada oshishi ehtimolga yaqin.

Hozirda Litvada Yevropa Ittifoqiga a’zo bo’lmagan mamlakatlardan 215 000 chet ellik istiqomat qiladi. Ulardan 12 500 nafari oilani birlashtirish orqali kelgan. Markaziy Osiyodan, shuningdek, Hindiston, Pokiston va Bangladeshdan kelgan migrantlar soni ortib bormoqda, chunki ular qarindoshlarini ko‘rish uchun uyga bo’rishga qiynaladi, butun oilani ko‘chirib kelish qulayroqqa o‘xshaydi.

Vytautas Sinitsa migrantlar bilan oilalarni birlashtirishni to’liq taqiqlashni taklif qilmoqda. Biroq, Migratsiya departamenti boshlig’i Evelina Gudzinskaytening aytishicha, bu mumkin emas, chunki oilalarni birlashtirish huquqi Yevropa Ittifoqi qonunlari bilan himoyalangan. U shuningdek, realistik jihatdan 60 000 kishining barchasi bir vaqtning o’zida kela olmasligini aytadi.

Seym to’liq taqiqdan tashqari boshqa variantlarni ham ko’rib chiqmoqda. Ulardan biri migrantlarning qarindoshlari oz bo‘lsa ham Litva tilini bilishi sharti. G’oya muallifi Laurynas Kashyunas bu moslashishni osonlashtiradi, deb hisoblaydi. U migrantlarning yashash joyini ularning ishi bilan bog’lashni taklif qiladi: shartnomalari tugagach, ular ketishadi.

Musulmon jamoalari vakillari deputatlarning baholariga qo’shilmaydi. Aleksandrs Beganskasning aytishicha, hech qanday «qarindoshlar yopirilishi» bo’lmaydi: «Xotinlari va bolalarini olib kelmoqchi bo’lganlar allaqachon shunday qilishgan». Uning qo’shimcha qilishicha, qonunga ko’ra, Sinitsa aytganidek, «to’rtta qaynona» emas, balki faqat bitta xotin olib kelish mumkin.

Ichki ishlar vaziri Vladislav Kondratovich ham ehtiyot bo’lishga chaqiradi. Bu yil Litvaga oilani birlashtirish uchun atigi 104 kishi kelgan. Qarindoshlarning kirishi qat’iy shartlarni talab qiladi: yuqori maosh, sug’urta, xavfsizlik tekshiruvlari va davlatga tahdid yo’qligi. Agar arizalar soni ko’paysa, shartlar kuchaytirilishi mumkin.