Markaziy Osiyolik migrantlar tekshiruv ostida

Tergov qo‘mitasi “Crocus” kompaniyasining barcha chet ellik xodimlarini teraktga aloqadorligini tekshirmoqda.

Asosiy gumon Tojikiston, Oʻzbekiston, Qirgʻiziston va Turkmaniston fuqarolariga tushgan.

Maʼlumotlarga koʻra, Tergov qoʻmitasi rahbariyati tergovchilarga terakt boʻyicha qoʻzgʻatilgan jinoiy ish doirasida “Crocus” kompaniyasining barcha xorijlik xodimlarini qaytadan soʻroq qilish haqida koʻrsatma bergan.

Savollar ularning Rossiyaga kelish vaqti, “Crocus City Hall”da ishlash shartlari va mehnat shartnomalari bilan ta’minlanishi bilan bog’liq bo’ladi. Birinchi so‘roqlarda bu ishchilarning ko‘pchiligi Rossiyada noqonuniy bo‘lishi mumkinligi ma’lum bo‘ldi. Shuning uchun tergovchilar hujjatlarni, patentlarni qanday olganliklari va rus tili va tarix imtihonlaridan qay tariqa o‘tganliklarini ham tekshiradilar.

Bundan tashqari, ushbu muhojirlar uy-joyni ijaraga olgan uy egalari so’roq qilinib, aholining haqiqiy soni va ularning yashash sharoitlari haqida ma’lumot olinadi. “Crocus” kompaniyasining 25 nafar xorijlik xodimi teraktga aloqadorligi jihatidan tekshiruvdan o’tkaziladi.