Мигрант ҳайдовчи сув тошқини пайтида йўловчиларни қутқариб қолди

Ижтимоий тармоқларда Москва яқинидаги Одинцовода микроавтобус ҳайдовчиси Физули Исмоиловнинг кучли ёмғирдан кейин сув тошқини пайтида йўловчиларни қўлида кўтариб қуруқ жойга олиб ўтган видеоси тарқалиб кетди.

Кадрларда муҳожир ҳайдовчининг белигача сувда туриб, одамларни кўтариб кетаётгани тасвирланган.

Микроавтобус ҳайдовчиси шу тарзда олти йўловчига ёрдам берган.

Шу билан бирга, автоуловдаги эркак йўловчилар унга ёрдам бериш истагини билдиришмаган. Ҳайдовчи ишлайдиган компания ходимни меҳрибонлиги ва бошқаларнинг машаққатига бефарқ бўлмагани учун мукофотлашга ваъда берди.