Migrantlar bilan soxta nikoh uyushtirgan rossiyalik ayol sudlandi

Ryazan viloyatining 67 yoshli fuqarosi migrantlar bilan soxta nikoh uyushtirishda aybdor deb topildi. Bu haqda 13-aprel kuni mintaqaviy FSB matbuot xizmati xabar berdi.

2020 va 2023-yillar oralig‘ida ayol rossiyaliklar va chet elliklar (Markaziy Osiyo davlatlari fuqarolari) o‘rtasida soxta nikoh uyushtirish sxemasini uyushtirgani aniqlandi. Shu tariqa migrantlar mamlakatda vaqtinchalik yashash uchun ruxsatnoma olgan.

Viloyat xavfsizlik agentligining tergov bo‘limi Rossiya Jinoyat kodeksining 322.1-моддаси 2-qismining «a» bandi (noqonuniy migratsiyani tashkil etish) bo‘yicha jinoiy ish qo‘zg‘atdi.

Skopinskiy tuman sudi ayblanuvchini umumiy tartibli koloniyada uch yilga ozodlikdan mahrum qilish jazosiga hukm qildi. U shuningdek, 250 000 rubl miqdorida jarima to‘lashi kerak.

Hukm qonuniy kuchga kirdi.

Jinoyatchi guruhning qolgan a’zolari bo‘yicha surishtiruv ishlari olib borilmoqda. Chet elliklarning ruxsatnomalari bekor qilindi va ularning mamlakatda bo‘lish muddati qisqartirildi.