Мигрантлар Госуслугини қандай очади?

Мигрантлар учун госуслуги жуда керакли инструмент. Унда, албатта рўйхатдан ўтиб, электрон хизматлардан фойдaланиш керак.

Электрон хизматлардан фойдаланиш учун СНИЛС ҳужжатингиз бор бўлиши керак. Агар йўқ бўлса, аввал СНИЛС олишингиз керак. СНИЛСни МФЦ Мои документы ёки Социальный Фонд России (СФР) дан оласиз.

Демак, СНИЛС бор, телефонга Госуслуги иловасини ўрнатдингиз. Энди нима қилиш керак?

Телефон рақамингизни киритиб, пароль белгилайсиз. Сўнг шахсий маълумотларингизни киритасиз. Исм, фамилия ва ҳ.к.

Маълумотларингизни киритгач, соддалаштирилган Госуслугини очган саналасиз. Энди ушбу соддалаштирилган аккаунтингизни мукаммаллаштиришингиз керак. Бунинг учун уйдан ҳеч қаерга чиқмай, онлайн банкдан фойдалансангиз бўлади.

Бунинг учун Госуслугида онлайн банк орқали (масалан Сбербанк онлайн) профилни тасдиқлашни танланг. Онлайн банкка кириб, профилингизни тасдиқлашларига розилик беринг. Бўлди.

Энди бир неча дақиқа(одатда 15-20 дақиқа)дан сўнг, қайтадан кирсангиз, профилингиз мукаммалаштирилган бўлади. Бундан профилдан бемалол фойдаланиб, МВД ва бошқа идоралардан электрон хизматларни олишингиз мумкин.