Мақола

1 105 23/09/2023

Мигрантлар касаба уюшмаси раҳбари Ренат Каримов Россия ва Марказий Осиё давлатлари ўртасида виза режими жорий этилишини қўллаб-қувватлашини билдирди. Унинг сўзларига кўра, виза режими меҳнат муҳожирлари ҳуқуқларини ҳимоя қилиш ва уларнинг меҳнат шароитларини яхшилашга ёрдам беради.

Каримов виза режимининг жорий этилиши муҳожирлар ва иш берувчилар ўртасида расмий меҳнат шартномалари тузилиши учун шароит яратиши, бу эса ўз навбатида уларга катта ишонч бағишлаши билан ўз фикрини далиллаган. Мигрантлар қаерда ва қандай шароитда ишлашларини олдиндан билишлари, ҳуқуқлари бузилган ёки тўловлар кечиктирилган тақдирда ваколатли органлардан ҳимоя сўраш имкониятига эга бўлишади.

Айни дамда, Каримовнинг сўзларига кўра, муҳожирлар кўпинча расмий меҳнат шартномаларини тузмагани учун оғир аҳволга тушиб қолишади. Бундан ташқари, чегарани кесиб ўтишда ва Россияга келганидан кейин етти кун давомида уларнинг қабул қилувчи давлати бўлмаслиги ҳуқуқларининг бузилиш эҳтимолини оширади.

Касаба уюшмаси меҳнат муҳожирларининг қатъий қонун асосида ишлаши ва маошини ўз вақтида олиш масаласида ташвиш билдирган. Таъкидланишича, виза режими жорий этилиши билан иш берувчилар катта эҳтимол билан қабул қилувчи томон бўлади ва мигрантларни виза билан таъминлайди.

Июль ойида Давлат Думаси мигрантлар билан боғлиқ жиноятлар кўпайиб бораётганини иддао қилиб, Марказий Осиё давлатлари билан виза режимини жорий этишга чақирган эди. Миграция хизматини тўғридан-тўғри мамлакат президенти Владимир Путинга бўйсунувчи орган қилиш таклиф қилинган эди.

Эрининг ўчини боласидан олаётган аёллар

Навигация