Migrantlar ketsa taksi narxi 40 foizga oshib ketishi taxmin qilinmoqda

Blogger Ryabkovning aytishicha, migrantlarning taksi haydovchisi sifatida ishlashini taqiqlash narxlarni 40 foizga oshiradi.

Sankt-Peterburgda migrantlarning taksi haydovchisi boʻlib ishlashini taqiqlash yo‘lkira narxini 30-40 foizga oshiradi, deydi blogger va taksi haydovchisi Yegor Ryabkov NSN nashriga. Uning ta’kidlashicha, hozirda Rossiya fuqarolarining atigi 40 foizi ushbu sohada ishlaydi.

Taxminan 60% migrantlar Oʻzbekiston, Qirgʻiziston va Tojikiston fuqarolari. Agar migrantlarga taksi haydovchisi bo‘lib ishlash taqiqlansa, ularning soni yarmidan ko‘proqqa qisqaradi. Demak, xarajat 30-40 foizga oshadi, degan Ryabkov.

Uning ta’kidlashicha, Sankt-Peterburgda narxlarning o’zgarishi dam olish mavsumi tugaganda, kuzga yaqinroq bo’ladi. Mutaxassisning qo‘shimcha qilishicha, hozir taksi haydovchisi bo‘lib ishlashni hohlovchilar ishning qiyinligidan ko‘p emas.

Avvalroq Sankt-Peterburgda xorijliklarning taksi haydovchisi sifatida ishlashiga vaqtinchalik taqiq joriy qilingan edi. Farmonni gubernator Aleksandr Beglov imzoladi. Cheklov 2025-yil oxirigacha amal qiladi, shundan keyin uni uzaytirish masalasi hal qilinadi.