Novosibirsk oblastida migrantlar 2023-yil 656 ta jinoyat sodir etgan. Bu 2022-yildagi ko‘rsatkichdan 1,5% kam, 2021-yilga nisbatan esa 58,83% ko‘p, deya xabar bermoqda Novosibirsk MVD boshqarmasi.
Boshqarmaning ma’lum qilishicha, Novosibirskda muhojirlar asosan giyohvand, psixotrop vositalar va birovning mulkiga tajovuz qilish moddalari bilan ayblangan.
Rossiya MVDsining axborot-tahlil markaziga ko‘ra o‘tgan yili Rossiyada migrantlar tomonidan 38,39 ta jinoyat sodir etilgani qayd qilingan. Bu 2022-yilga nisbatan 3% kam ko‘rsatkich. 2023-yildagi umumiy jinoyatlarning bor-yo‘g‘i 3,9 foizigina Rossiyadagi xorijliklar yoki fuqaroligi yo‘q shaxslar tarafidan sodir etilgan.
MVDning statistikasi bo‘yicha batafsil tahlillarimizni avvalroq keltirgan edik. Tahlil natijasida migrantlarning jinoyatchiligi haqidagi gaplar umuman haqiqatga to‘g‘ri kelmasligi aniq bo‘lgan.