Migrantlar yotoq joy bilan ta’minlanadi

Moskva oblasti hokimiyati migrantlar uchun vaqtinchalik uy-joyga qo‘yiladigan talablar to‘g‘risidagi qarorni tasdiqladi. Endi ish beruvchilar migrantlarga hujjatda ko‘rsatilgan talablarga javob beradigan yotoqxonalarni taqdim etishi shart.

Qarorga ko‘ra 70 foiz xodimlar ish beruvchi tomonidan vaqtincha yashash joylar bilan ta’minlanishi kerak. Har bir migrant uchun yashash joyi yotoqxona bo‘lsa kamida 6 kvadrat metr, xostel bo‘lsa kamida 4 kvadrat metrdan iborat bo‘lishi kerak.

Yashash joylari “Xavfsiz hudud” tizimiga birlashtirilishi mumkin bo‘lgan video kuzatuv tizimi bilan jihozlanishi talab qilinmoqda. Shuningdek, binolarda xavfsizlik qo‘riqchilari uchun sharoitlar yaratilishi lozim.