Migrantlarni noqonuniy ishlatayotganlar ogohlantirildi

Rossiyaliklarga hujjatsiz xorijiy ishchilarni yollash, hatto dachalarda ishlatisht uchun ham jazo choralari borligi eslatildi. Advokatlarning aytishicha, qonun ishchini yollagan har bir kishini, rasmiy ish yoki bir martalik yordam bo‘lishidan qat’i nazar, ish beruvchi deb hisoblaydi.

Agar chet el fuqarosining ishlash huquqi yo‘qligi aniqlansa (masalan, ularda patent yoki ruxsatnoma yo‘q bo‘lsa), mulk egasi jarimaga tortiladi. Rossiya Federatsiyasi Ma’muriy huquqbuzarliklar kodeksining 18.15-moddasiga binoan, jarima miqdori 2000 dan 5000 rublgacha, Moskva va Sankt-Peterburgda esa 5000 dan 7000 rublgacha.

Javobgarlik shaxs qoidabuzarlikdan bexabar bo‘lsa ham qo‘llaniladi. Shuning uchun, ishchini yollashdan oldin, mutaxassislar patent, ro‘yxatdan o‘tish va migratsiya kartasi kabi hujjatlarni tekshirishni maslahat berishadi.

Mutaxassislarning ta’kidlashicha, bunday tekshiruvlar so‘nggi yillarda, ayniqsa dacha mavsumida, ko‘pchilik qurilish, ta’mirlash yoki yerga ishlov berish uchun ishchilarni yollash paytida kuchaytirilgan. Qoidabuzarliklar tekshiruvlar paytida yoki shikoyatlar orqali aniqlanishi mumkin.

Shuning uchun, shaxsiy foydalanish uchun ishchilarni yollashda ham qonunga rioya qilish muhimdir – bu jarimalar va boshqa muammolarning oldini olishga yordam beradi.