Мигрантларнинг жиноят содир этиши кескин тус олиб бормоқда – Тергов қўмитаси

Мигрантлар жиноятчилиги тобора жиддий тус олмоқда ва жамиятда кескинликка сабаб бўлмоқда.

Россия Тергов қўмитаси сайтида шу мазмундаги баёнот жойлаштирилган.

Қайд этилишича, жиноятчилик ўсиши фақат Москва шаҳрига эмас, бошқа шаҳарларга ҳам тегишли. Қўмитага кўра, жамоат тартибини қўпол тарзда бузиш, оммавий жанжаллар, хорижий фуқароларнинг ҳуқуқни муҳофаза қилиш идоралари ходимларига тажовузлар кўп учрамоқда. Бундан ташқари, жамоатчилик учун хавфли тус олаётган қилмишлар ва айниқса, номусга тегиш кенг тарқалмоқда.