Миграция бўлими ходимини жинояти учун қамоқ жазоси кутмоқда

Хорижий фуқароларни депортация қилиш учун ажратилган маблағларни миграция бўлими ходими томонидан ўзлаштирилганлиги юзасидан жиноят иши судга юборилди.

Владимир шаҳри прокурори Россия Ички ишлар вазирлигининг Владимир вилояти бўйича миграция департаменти миграция назорати бўлимининг махсус топшириқлари бўйича собиқ катта инспекторига қарши айблов хулосасини тасдиқлади. Собиқ полициячи ўз мансаб мавқеидан фойдаланган ҳолда пулларни ўзлаштирганликда.

Текширув давомида аниқланишича, миграция хизмати ходими чет эл фуқароларини Россиядан ташқарига чиқариб юбориш (улар учун авиачипта сотиб олиш) тўғрисидаги қарорларни ижро этиш учун Ички ишлар вазирлиги кассасидан пул олган ҳолда, фуқаронинг қариндошларига ўз маблағлари ҳисобидан чипта сотиб олишни таклиф қилган.

Владимир вилояти прокуратурасининг хабар беришича, 2021 йилда Тожикистоннинг уч фуқароси авиачипталарни мустақил равишда сотиб олган бўлса-да, полициячи уларнинг 67 минг рубллик тўлов ҳужжатларини олиб кетган.

Полиция ходимининг ноқонуний хатти-ҳаракатлари Россия Ички ишлар вазирлигининг Владимир вилояти бўйича ички хавфсизлик бошқармаси тезкор-қидирув бўлими ходимлари ҳамда ФСБ вилоят бошқармаси билан ҳамкорликда аниқланган. Ички ишлар органи ходими шаънига доғ туширувчи ҳуқуқбузарлик содир этгани учун ички ишлар органларидан лавозимидан озод этилди.

Тергов қўмитасининг хабар беришича, гувоҳлар сўроқ қилинган, ҳужжатлар олиб қўйилган ва текширилган, жорий ҳисобварақлардаги маблағлар ҳаракати таҳлил қилинган. Тергов жараёнида миграция хизматининг собиқ ходими айбини тан олди. Жиноий иш кўриб чиқиш учун Владимир шаҳрининг Октябр туман судига юборилган.

Энди миграция бўлимининг собиқ ходими олти йилга озодликдан маҳрум этилиши мумкин.