Минниханов: “Мигрантлар керак. Уларсиз биз қийналамиз”

Татаристон президенти Рустам Минниханов Миллатлараро ва конфессиялараро муносабатлар бўйича кенгаш йиғилишида мигрантлар масалалари билан шуғулланувчи орган ташкил этишни таклиф қилди. У чет эл фуқаролари ижтимоийлашуви ва Россия Федерацияси қонунларини тушуниши кераклигини таъкидлаган.

“Мигрантлар керак. Биз йирик саноат марказимиз ва уларсиз қийналамиз. Лекин шу билан бирга, уларнинг бўлиши амалдаги нормалар ва қонунлар доирасида тартибга солиниши керак. Агар қоида йўқ бўлса, у қандай шаклда бўлиши кераклиги ҳақида таклиф билан чиқишимиз керак. Ва бизда алоҳида бўладими ёки маъмурият таркибидами, бу масалани ечувчи орган бўлиши керак”, – дейди Минниханов.

Республика Президентининг сўзларига кўра, бу масалани ўз ҳолича қолдириб бўлмайди, чунки муҳожирлар билан боғлиқ маълум қийинчиликлар мавжуд. Минниханов хорижлик фуқаролар кўп ижобий ишларни амалга ошираётганини, бироқ айни пайтда бу мавзу кун тартибида эканини таъкидлади. Шунинг учун у муҳожирлар яшаб, ишлаётган бошқа мамлакатлар тажрибасидан фойдаланишни талаб қилди. Бироқ, ишчи кучининг мижозлари бўлган компаниялар ҳам жавобгарликни ўз зиммаларига олишлари керак, деб ҳисоблайди Татаристон Республикаси Президенти.

“Бугунги кунда Россия демографик чуқур сабабли ривожланишга қодир бўлмайди. Биз эса қўшимча ишчи кучи қанчалик зарурлигини аллақачон кўриб турибмиз”, — дея хулоса қилади Минниханов.