Moskvada haydovchisiz tramvay ishga tushirildi

Moskvada 2025-yil 3-sentyabr kuni Rossiyada birinchi haydovchisiz tramvay ishga tushirildi. Unda shahar meri Sergey Sobyaninning shaxsan o‘zi sayr qildi. Tramvay mustaqil ravishda to‘xtaydi, eshiklarni ochadi, svetoforga rioya qiladi, piyodalar yo‘l beradi va jadval bo‘yicha harakatlana oladi. Transport harakatini sun’iy intellekt boshqaradi, salonda esa tartibni kuzatuvchi xodim bo‘ladi. Yil oxirigacha poytaxtda yana uchta shunday tramvay paydo bo‘ladi, 2030-yilga borib esa Moskva tramvaylarining deyarli barchasi haydovchisiz bo‘ladi.

Bunday transport bir qator mamlakatlarda allaqachon ishlab turibdi. Birinchi haydovchisiz tramvaylar Germaniyaning Potsdam shahrida paydo bo‘lgan va u yerda ularni sinovdan o‘tkazish 2018-yilda boshlangan. Xitoyda bunday transport Chjuxay va Chengdu shaharlarida yo‘lga qo‘yilgan. Yaponiyaning Fukuoka shahrida ham haydovchisiz tramvaylar yo‘lga qo‘yilmoqda. Sinovlar Fransiya va Niderlandiyada ham davom etmoqda. Endi Moskvada ham haydovchisiz ishlaydigan tramvaylari bo‘lgan shaharlar qatoriga qo‘shildi.