Москвада кучли совуқ бўлиши эълон қилинди

Россиянинг Европага яқин қисмига ғайритабиий совуқ ҳаво оқими кириб келмоқда.

Совуқ об-ҳаво  5 январь соат 21.00 дан бошланиши ҳақида хабар берилди. Россиянинг Европага яқин қисмидаги ҳудудларда совуқ -34..-47 даражагача бўлиши мумкин.

6-10 январь кунлари Марказий Федерал округи ҳудудининг аксарият қисмида аномал совуқ ҳаво кузатилади, ўртача суткалик ҳарорат иқлим меъёридан -9..-17 даража паст бўлади. Ҳаво ҳарорати кечаси -21…-26, округ шимолида -29..-34 гача пасаяди. Кундузи ҳаво ҳарорати -17..-22. округ шимолида -23..-28 даража бўлиши мумкин.

Москва ва Москва вилоятида 5 январь оқшомидан бошлаб ҳаво ҳароратининг кескин пасайиши ва -10..-15 даражагача тушиши кутилмоқда. Кейинги кунларда, 6-10 январда совуқ об-ҳаво сақланиб қолади.

“Бундай совуқлар ультрақутб жараёнлари билан боғлиқ. Ҳақиқат шундаки, мўътадил кенгликлар ҳавонинг ғарбдан шарққа ўтиши билан тавсифланади.  Ультрақутб жараёнлари мутлақо ғайритабиий ҳодисадир. Бундай ҳолларда, ҳаракат шимоли-шарқдан шимолий-ғарб томонга содир бўлади, агар ҳаво массалари антициклонга айланса, унда аномал ҳолатлар юзага келади”, деб тушунтирди Россия Гидрометеорология маркази илмий раҳбари Роман Вольфанд.
Бу ҳақда meteoinfo.ru хабар берди.