Moskvada kuryerlarning maoshi dasturchilarnikidan ham tez o‘smoqda

“SuperJob” xizmatining tadqiqot natijalariga ko‘ra, so‘nggi to‘rt yil ichida yetkazib berish xizmati xodimlarining o‘rtacha maoshi 100% ga o‘sgan.

Moskvada piyoda kuryerning o‘rtacha maoshi to‘rt yilda 100% ga, dasturchining maoshi 77% ga oshgan. “SuperJob” ish qidirish xizmati tadqiqoti natijalariga ko‘ra, 2025-yil davomida Rossiyada doimgidek kuryerlar uchun ish o‘rinlari katta miqdorda taklif qilinadi, deb yozadi «TACC» nashri.

Eslatib o‘tamiz, Moskva va Moskva oblastida migrantlar asosan kuryer, quruvchi, taksichi, farrosh va xizmat ko‘rsatish sohalarida ishlaydi.