Москвада меҳнат мигрантлари учун колл-марказ сиз билан бир тилда сўзлашади

Колл-марказга Москвада яшаш ва ишлаш истагида кетаётган ёки шу ерда яшаётган чет эл фуқаролари ва меҳнат мигрантлари мурожаат қилишлари мумкин.

Москвада меҳнат мигрантлари учун бепул колл-марказ ишга тушди. Колл-марказга Москвада яшаш ва ишлаш истагида кетаётган ёки шу ерда яшаётган чет эл фуқаролари ва меҳнат мигрантлари қўнғироқ қилишлари мумкин.

Колл-марказ мутахассислари турли саволларга жавоб беришлари ва сизга ёрдам кўрсатишлари мумкин. Қандай саволлар дейсизми? Мархамат, сизга қайси соҳада аниқ маслаҳат беришлари билан танишинг:

• иш қидириш ва ишга жойлаштириш тартиби;
• меҳнат фаолияти учун патент олиш;
• миграция рўйхатидан ўтиш тартиби;
• меҳнат мигрантларининг ҳуқуқларининг бузилиши;
• йўқолган ҳужжатларни тиклаш;
• тиббий ёрдам олиш.

Колл-марказ ходимлари ҳар куни сота 8:00 дан 20:00 гача ишлайди. Марказ ходимлари озарбайжон, қирғиз, молдован, ўзбек ва тожик тилларида қўнғироқларни қабул қилиш ва маслаҳат беришга тайёр. Бу ҳақдаги ахборот “Мигрантам о Москве” порталида чоп этилди.

Меҳнат мигрантларига кўмаклашиш шаҳар ахборот маркази рақами: +7 (495) 539-25-20