Муҳожирлар туфайли Германияда туғилиш кўрсаткичи 33 йиллик энг юқори даражага кўтарилди

Ўтган йили Германияда туғилиш кўрсаткичини 33 йиллик энг юқори кўрсаткичга кўтаришга мигрант оналар ёрдам берди.

Германияда туғилишнинг умумий коэффициенти 2015 йилда ҳар бир аёлга 1,50 болани ташкил этган бўлса, ўтган йили 1,47 болага ўсди, деб хабар қилган Федерал Статистика бошқармаси.

2015 йилдаги кўрсаткич 1982 йилдан (1,51) бери энг юқори кўрсаткич бўлиб келаётган эди.

Янги маълумотлар шуни кўрсатадики, Германия фуқаролигига эга аёлларнинг фертиллик коэффициенти  2014 йилдаги 1,42 дан 1,43 га кўпайган.

Хорижий фуқаролиги бўлган аёллар учун фертиллик коэффициенти  2015 йилда 1,96 ни ташкил этган бўлса, ўтган йили бу кўрсаткич 1,86 ни ташкил этган.

80 миллионлик мамлакат ўтган йили 900 мингга яқин бошпана изловчини рўйхатга олган. Уларнинг аксарияти Африка, Осиё ва Яқин Шарқдаги қийинчиликлардан қочиб келган.

Аҳоли барқарорлигини таъминлаш учун туғилиш даражаси 2,1 бўлиши керак.

Фертиллик коэффициенти ёки туғилиш даражаси – маълум бир популяцияда туғилиш даражасини ўлчаш учун ишлатиладиган статистик кўрсаткич. Одатда бу миқдор 15 ёшдан 44 ёшгача бўлган 1000 нафар аёллар томонидан маълум вақт оралиғида туғилган болалар сони билан ифодаланади.