MVD va Ta’lim vazirligi migrant bolalar haqida ma’lumotlar almashadi

28-yanvardan boshlab Rossiyada Ichki ishlar vazirligi va Ta’lim vazirligi o’rtasida ma’lumot almashishning yangi tartibi kuchga kiradi. Bu xorijiy fuqarolarning maktab va kollejlarda tahsil olayotgan farzandlariga tegishli.

Endi Ichki ishlar vazirligi migrant bola ro’yxatdan o’tgan yoki ro’yxatdan chiqarilganda ta’lim organlariga xabar beradi. Bu organlar ta’lim muassasalariga qancha bola qabul qilinishi kerakligini aniqlashi uchun zarur.

O’z navbatida, Ta’lim vazirligi Ichki ishlar vazirligiga bolani maktabga yoki kollejga qabul qilish uchun berilgan arizalar haqida ma’lumot yuboradi. Vazirliklar, shuningdek, bolalarning rus tili testlari natijalarini almashadi.

Bundan tashqari, Rossiya hukumati migrant ishchilarni tekshirish talab qilinadigan yuqumli kasalliklar ro’yxatini yangilashni rejalashtirmoqda. Bunday tibbiy ko’riklar majburiy bo’lib qoladi.