Нижнекамскдаги шаҳар пляжида ўзбекистонлик йигит чўкиб кетди

Шифокорларнинг саъй-ҳаракатларига қарамай, уни сақлаб қолишнинг иложи бўлмади.

3 июл куни Нижнекамск шаҳридаги “Кама” шаҳар пляжида Фавқулодда вазиятлар вазирлиги ходимлари соат 16:30 да чўкиб кетаётган 25 ёшли Ўзбекистон фуқаросини сувдан олиб чиқишди. Қутқарилган эркак ҳушсиз ҳолатда тез ёрдам бригадасига топширилди, деб хабар қилган Россия Фавқулодда вазиятлар вазирлигининг Татаристон бўйича бош бошқармаси матбуот хизмати.

Шифокорлар эркакни жонлантиришга ҳаракат қилишди. Бироқ, барча уринишлар беҳуда кетди ва соат 17:20 да шифокорлар йигитнинг ўлганини эълон қилишди. Марҳум, дастлабки маълумотларга кўра, маст ҳолатда бўлган.