Нижний Новгородда қурилаётган ЖЧ-2018 стадионида ёнғин чиқди (+видео)

Футбол бўйича 2018 йилги жаҳон чемпионати учун бунёд этилаётган “Нижний Новгород” стадионида ёнғин келиб чиқди. Бу ҳақда “НН.ру” портали пудратчи компания вакили Александр Батуевга таяниб хабар қилди.

Унинг сўзларига кўра, қурилаётган объектнинг юқори қаватидаги “А” сектори трибунасида ёнғин келиб чиққан. Ёнғин сабаблари аниқлаштирилмоқда.

Қурилаётган стадион маҳаллий “Олимпиец” футбол жамоаси учун уй аренаси ҳисобланади. Қурилиш ишлари “Стройтрансгаз” АЖ томонидан амалга оширилмоқда.