“O‘zbekiston havo yo‘llari” keksalar uchun aviachiptalarga chegirmalar taqdim etadi

“O‘zbekiston havo yo‘llari” Milliy aviakompaniyasi Turizm oyligi munosabati bilan 60 yoshdan oshgan erkaklar va 55 yoshdan oshgan ayollar uchun ekonom-klass chiptalariga 15 foizgacha chegirma taqdim etadi.

Chegirma 2024-yil 1-noyabrdan 30-noyabrgacha amalga oshiriladigan ichki reyslar uchun amal qiladi.

Taklifdan foydalanish uchun O‘zbekiston fuqarosining pasporti yoki ID kartasini ko‘rsatish kerak.

Chiptalarni aviakompaniya veb-saytida, agentlardan yoki savdo ofislarida sotib olish mumkin. Soliqlar va yig’imlar chegirmaga kiritilmagan.