Ota-onasi migratsiyada bo‘lgan bolalarga yordam tizimi takomillashtiriladi.
Bu haqida Prezident Shavkat Mirziyoyev joriy yilning 20-fevral kuni Ijtimoiy himoya sohasidagi xizmatlar qamrovini yanada kengaytirish bo‘yicha o‘tkazilgan videoselektorda ma’lum qildi.
Yig‘ilishda ota-ona mehriga muhtoj bolalarga g‘amxo‘rlik masalalari ko‘rib chiqildi.
Jumladan, ota-onasi migratsiyada bo‘lgan, noqulay ijtimoiy muhitdagi oilalarda tarbiyalanayotgan, ruhiy-jismoniy rivojlanishida xususiyatlari bor bolalarga yordam tizimini takomillashtirish zarurligi ko‘rsatib o‘tilgan.