O‘zbekiston rus tili mavqeini oshirishga oid shartnomaga qo‘shildi

O‘zbekiston Rus tili bo‘yicha xalqaro tashkilotni ta’sis etish to‘g‘risidagi shartnomaga qo‘shildi. Bunga doir qonun mamlakat prezidenti Shavkat Mirziyoyev tomonidan imzolandi, deb xabar bermoqda “UZ24” nashri.

Rus tili bo‘yicha xalqaro tashkilotni tuzish taklifi 2022-yil oktyabr oyida Ostonada o‘tkazilgan MDH davlatlari rahbarlari sammitida Qozog‘iston prezidenti Qasim-Jomart Toqayev tomonidan bildirilgandi. Mazkur taklifga asosan 2023 yil 13 oktyabr kuni MDH davlatlari rahbarlarining Bishkek sammitida tashkilotni tuzish haqida shartnoma imzolangan.