O‘zbekistonlik «millarder» Peterburgda qo‘lga olindi

Sankt-Peterburg politsiyasi o‘z vatanida katta miqdorda mablag‘ni o‘zlashtirishda ayblanayotgan o‘zbekistonlik korxona rahbarini hibsga oldi. Erkak davlatlararo qidiruvda bo‘lgan.

“Fontanka” nashrining xabar berishicha, 39 yoshli tadbirkor Sankt-Peterburgga 2021-yil dekabr oyida ishlash uchun kelgan. Maʼlumotlarga koʻra, ungacha u 2021-yil iyun oyida bir guruh shaxslar bilan til biriktirib, bankka tegishli 1,5 milliard soʻm (taxminan 10,5 million rubl) miqdoridagi pul mablagʻlarini noqonuniy ravishda oʻzlashtirgan va 2023-yil avgust oyidan buyon qidiruvda bo‘lgan.