O‘zbekistonlik raketa zarbasidan halok bo‘ldi

2025-yil 12-may kuni Kursk viloyatining Rilsk shahri Ukraina Qurolli kuchlari tomonidan raketa hujumiga uchradi. Hujum nishonlaridan biri shaharga kiraverishdagi mehmonxona bo‘lib, u yerda birinchi qavatda avtomobil yuvish, ikkinchi qavatda mehmonxona xonalari joylashgan. Otishma natijasida bino jiddiy zarar ko‘rgan.

Mehmonxona vayronalari ostidan 39 yoshli O‘zbekiston fuqarosining erkakning jasadi topildi. Kursk viloyati gubernatori vazifasini bajaruvchi Aleksandr Xinshteyn uning oilasiga hamdardlik bildirdi.

Bundan tashqari, uch kishi turli darajadagi tan jarohatlari olgan. Ularning qaysi davlat fuqarosi ekanligi aniqlanmagan. Boshi va qo‘llaridan og‘ir jarohat olgan ikki erkak Kursk viloyat kasalxonasiga yotqizilib, ularga zarur tibbiy yordam ko‘rsatilmoqda.

Ushbu fojiali voqea janglar ketayotgan hududlarda bo‘lish xavfli ekanini ko‘rsatadi. Migrantlar va chet el fuqarolariga bunday hududlarga bormaslik, xavfsizlik qoidalariga amal qilish qat’iy tavsiya etiladi. O‘z vaqtida ma’lumot olish va ehtiyot choralariga rioya qilish hayot va sog‘likni saqlashi mumkin.