O‘zbekistonlik tadbirkor Mariy Eldan oilasi bilan deportatsiya qilindi

Mariy El sud ijrochilari Rossiyada ko’p yillar davomida qonuniy maqomsiz yashagan 31 yoshli O’zbekiston fuqarosini majburan deportatsiya qilishdi. Erkak Voljsk shahrida hibsga olingan va sud qarori bilan vataniga qaytarish uchun Qozon aeroportiga kuzatib qo’yilgan. Buning sababi, uning mamlakatda bo‘lish muddati tugaganligi edi.

Migrant Rossiyaga 2011-yilda rafiqasi bilan kelgan va bu yerda noqonuniy qolgan. Er-xotin Tataristonda yashab, ishlagan, u yerda kiyim-kechak do’koniga egalik qilgan. Rossiyada topgan puliga erkak Farg’onada uy qurgan va avtomobil yuvish joyini sotib olgan. Oilada uchta farzand bor, ularning barchasi O’zbekiston fuqarolari: ikkitasi Farg’onada buvisi bilan, kenja qizi esa ota-onasi bilan yashaydi. Sud jarayonida erkak o’z aybini tan olgan bo‘lsa-da ammo nima uchun kerakli hujjatlari bo‘lmaganini tushuntira olmagan. Sud uni Rossiya Ma’muriy huquqbuzarliklar kodeksining 18.8-moddasi 1.1-qismi bo’yicha aybdor deb topdi va unga 2000 rubl miqdorida jarima va ma’muriy deportatsiya jazosini tayinladi. Hozirda uning rafiqasi Qozon shahridagi chakana savdo do’konini sotmoqda va Rossiyani kenja farzandi bilan tark etish niyatida.

Bu holat inson yashab, ishlayotgan mamlakat qonunlariga rioya qilishning muhimligini ko’rsatadi. Migratsiya qoidalariga rioya qilmaslik nafaqat jarimaga, balki deportatsiya, biznesni yo’qotishga ham olib kelishi mumkin. Bunday oqibatlarning oldini olish uchun migrantlar hujjatlarini yangilab turishlari va o’z vaqtida qonuniy maqom olishlari kerak.