O‘zini o‘rgimchak-odam deb o‘ylagan migrantni politsiya qo‘lga oldi

Rossiya Federatsiyasi Tergov qo‘mitasi matbuot xizmati Bratskda bir kishi Ikkinchi jahon urushi qahramonlariga bag‘ishlangan Shon-sharaf yodgorligiga chiqishga harakat qilgani haqida xabar berdi.

Voqea 24-sentyabr kuni to‘y nishonlayotgan bir guruh yoshlar yodgorlik oldiga suratga tushish uchun yig‘ilganda sodir bo‘lgan. Mehmonlardan biri, 34 yoshli muhojir o‘zining mahoratini sinab ko‘rishga qaror qilib yodgorlik stellaridan biriga o‘rmalab chiqib ketgan.

Voqea guvohlari zudlik bilan politsiyaga qo‘ng‘iroq qilgan va erkak qo‘lga olingan. Uning bu harakati mahalliy diaspora tomonidan qoralandi. Huquqbuzarga nisbatan buzg‘unchilik va harbiy shon-shuhrat timsollarini tahqirlash moddalari bo‘yicha jinoyat ishi qo‘zg‘atilgan. Tergov qo‘mitasi tergov ishlarini olib bormoqda.

Bratskdagi Shon-sharaf yodgorligi 1975-yilda Gʻalabaning 30 yilligi sharafiga ochilgan.