Саудия Арабистони Ўзбекистон фуқаролари учун электрон виза жорий қилди

Электрон виза бир йил муддатга амал қилади, бир неча марта кириш ва 90 кунгача қолиш имконини беради.

Саудия Арабистони яна саккизта давлат фуқаролари электрон виза олиш ҳуқуқига эга бўлишини эълон қилди, дея хабар беради давлат матбуоти.

Электрон виза Албания, Озарбайжон, Грузия, Қирғизистон, Малдив ороллари, Жанубий Африка, Тожикистон ва Ўзбекистондан дам олиш, иш ва диний саёҳат (фақат Умра) учун тақдим этилади, эндти электрон  виза олиш ҳуқуқига эга бўлган мамлакатларнинг умумий сонини 57 тага етди.

Баёнотда, шунингдек, виза сайёҳларга Саудия Арабистонининг турли минтақаларига саёхат қилиш  ва Умра ибодатини адо этиш  имконини бериши таъкидланган.

Электрон виза бир йил давомида амал қилади, мамлакатга кўп марта киришга рухсат беради ва 90 кунгача қолишга имкон беради.

2019 йилда электрон виза дастури ишга туширилгандан сўнг, 2022 йилда Саудия Арабистонига 93,5 миллион киши ташриф буюрди, бу 2021 йилга нисбатан 93 фоизга кўп. Туризмга сарфланган харажатлар 185 миллиард Саудия риёлини (49 миллиард доллар) ташкил этди.

2022 йилда Саудия Арабистони Саудия Арабистонига келишдан олдин ушбу мамлакатларга кириш учун фойдаланилган амалдаги Шенген, Буюк Британия ва АҚШ визалари эгалари, шунингдек, Европа Иттифоқининг доимий резидентлари, Форс кўрфази араблари учун электрон виза тақдим этишга қарор қилди.

Жорий йилнинг бошида Саудия Арабистони йўловчиларга мамлакатда 96 соатгача қолиш имконини берувчи 96 соатлик бепул тўхташ визаси жорий этилганини эълон қилган эди.