Қозоғистон Сенати хорижликлар учун бармоқ изларини мажбурий текшириш тўғрисидаги қонунни маъқуллади

Қозоғистон Сенати депутатлари хорижий фуқароларнинг ҳужжатларни олишда бармоқ изларини мажбурий текширишни жорий этишни назарда тутувчи қонун лойиҳасини икки ўқишда маъқуллади. Янги қоидалар 2024 йил 1 январдан кучга кириши режалаштирилган.

Қонун лойиҳасида, шунингдек, хорижий фуқароларга индивидуал идентификация рақами (ИИН) олиш бўйича қатъий талаблар ҳам назарда тутилган. Сенат мажлисида депутат Евгений Больгерт чет элликлар ва фуқаролиги бўлмаган шахслар уни олиш учун Қозоғистондаги рўйхатга олиш органларига шахсан мурожаат қилишлари кераклигини таъкидлади. Илгари бошқа шахсларга берилган ишончнома асосида ИИНни ҳақиқатан яшаётган  жойида олиш мумкин эди.

2023 йил ноябр ойида Ички ишлар вазирлиги пойтахт аэропортлари орқали Россияга келаётган муҳожирларнинг бармоқ изларини олиш ва суратга олиш бўйича эксперимент бошлаш нияти борлигини маълум қилди. 2021 йил декабр ойидан бошлаб меҳнат фаолиятини амалга ошириш учун Россияга келган хорижликлар учун мажбурий бармоқ излари ва суратга олиш тартиби амал қилади.

2023 йилнинг 19 декабрида “Справедливая Россия” партиясидан Давлат Думасининг бир гуруҳ депутатлари Россияни қўллаб-қувватлаганликлари сабабли жиноий жавобгарликка тортилган хорижликларга яшаш учун рухсатнома (ВНЖ) бериш тўғрисидаги қонун лойиҳасини тақдим этди.