Пермда патент нархи ошадими?

Патент нархининг 600 рублга ошиши билан 2023 йилда Пермь ўлкаси бюджетига солиқ тушумлари 103 миллион рублга ошади.

Пермь ўлкаси ҳукумати Қонунчилик кенгашига 2023 йилда регионда меҳнат қилаётган чет эл фуқаролари учун патент нархини ошириш лойиҳасини  тақдим этди. Унинг ҳажмини 4100 дан 4700 рублгача ошириш режалаштирилган.

Қонун лойиҳасида таъкидланишича, патент нархининг ошиши Россия Федерацияси Иқтисодий ривожланиш вазирлиги коэффициентининг инфляция туфайли ошиши билан боғлиқ.

Патент нархининг 600 рублга ошиши билан 2023 йилда Пермь ўлкаси бюджетига солиқ тушумлари 103 миллион рублга ошади. Ҳукумат ҳисоб-китобига кўра келгуси йилда сотиладиган патентлардан солиқ тушумлари 596 миллион рублни ташкил қилиши мумкин. Бу ҳақда Sputnik Тожикистон телеграм канали хабар берди.

Муносабат

Патент учун тўлов қилинар экан, Россия ҳокимияти ва манфаатдор идоралари томонидан шунга яраша муносабат бўлиш керак. Бир тарафдан россияликларни оғирини енгил, мушкулини осон қиламиз, иккинчи тарафдан Россия давлат бюджетига шунча пул киритамиз. Аҳир бунинг учун мигрантлар Россия жамиятида қадрланишларини талаб қилишга ҳуқуқлари бўлмайдими?