Петербургда безориларнинг мигрантларга ҳужумлари кўпаймоқда

Безорилар мигрантларнинг юзига баллончалардан номаълум моддаларни сепиб кетмоқда.

Санкт-Петербург кўчаларида бир гуруҳ ёшлар муҳожирларга қарши безорилик билан шуғулланган. Полиция ходимлари телеграм-каналларидан бирида ёшлар “Самокат” курьерининг юзига баллондан номаълум модда сепилган видеони аниқлаган.

Маълумотларга кўра, воқеа Шлиссельбург проспектида содир бўлган. Жабрланувчи чет эллик  бўлган.

Яна бир телеграм каналида ҳам муҳожирга қилинган ҳужум акс этган видео пайдо бўлди. Кадрларда Рибацкий проспектида бир неча ёшларнинг номаълум моддани мигрантнинг юзига сепаётгани акс этган.

Полиция суриштирув ишларини бошлаб, жиноий иш қўзғатиш ёки қўзғатмаслик масаласини кўриб чиқмоқда.