Peterburgda muhojirlarni o‘g’irlab pul talab qilganlar qo‘lga olindi

Sankt-Peterburgda Tojikistonning ikki fuqarosi to‘rt muhojirni o‘g‘irlab, ulardan pul undirishda ayblanmoqda.

Tergov ma’lumotlariga ko‘ra, ikki tojikistonlik 2023-yilning may-iyun oylarida to‘rt nafar O‘zbekiston va Tojikiston fuqarolarini o‘g‘irlab, Liflyandskaya ko‘chasidagi ijaraga olingan xonadonga qamab qo‘ygan. U yerda jabrlanuvchilarni kaltaklashgan, shuningdek, jabrlanuvchilarni tahqirlovchi  ma’lumotni tarqatmaslik uchun pul undirishgan. Natijada jabrlanuvchilardan 200 ming rubldan ortiq mablag‘ undirishga erishishgan.

Ikki tojikistonlik hozirda odam o‘g‘irlash, tovlamachilik, o‘g‘irlik, yozishmalar maxfiyligini buzish, pornografik materiallarni tayyorlash va tarqatishda ayblanmoqda. Jinoyat ishi prokuraturaga yuborilgan.