Politsiya bilan “kelishishga” uringan migrant qamoqqa tushdi

Garchi pora berishga urinish juda ayanchli tugashi mumkinligi haqida ko’p marta yozilgan bo’lsa-da ba’zi muhojirlar tavakkal qilib, muammoni pul bilan “hal qilishga” urinishda davom etmoqda. Bunday harakatlarning natijasi bir xil: jinoiy javobgarlik va qamoq.

Shunga o‘xshash voqea Primorsk o’lkasida sodir bo’ldi. 29 yoshli muhojir deportatsiya qilinmaslik umidida migratsiya xizmati xodimiga 80 ming rubl taklif qilgan. Ammo muammo hal bo‘lish o‘rniga uning qo‘liga kishan solinib, ayblov qo‘yildi.

Primorsk oʻlkasi tergov qoʻmitasi maʼlumotlariga koʻra, migrant va uning hamyurti Spasskiy tumanida migratsiya qoidalarini buzgani uchun qoʻlga olingan. Sud ularning har birini 3000 rubldan jarimaga tortgan va Rossiyadan chiqarib yuborishga qaror qilgan. Deportatsiyaga tayyorgarlik ko’rilayotgan bir paytda ular xorijlik fuqarolarni vaqtincha saqlash hibsxonasiga joylashtirildi.

U yerda muhojirlardan biri Migratsiya boshqarmasi katta inspektoriga murojaat qilib, o‘zi va do‘stini chiqarib yuborilishi uchun 80 ming rubl taklif qiladi.

Biroq, inspektor taklifni o’z boshliqlariga bildirdi. Darhol Iqtisodiy jinoyatlarga qarshi kurash boshqarmasi xodimlari aralashdi. Pora berish huquq-tartibot idoralari nazorati ostida bo‘lib o‘tgan hamda jarayon videoga olingan.

Migrant jinoyat ustida ushlanib, hibsga olingan. Endi u ma’muriy huquqbuzarlikdan tashqari, mansabdor shaxsga pora berishga urinish uchun jinoiy javobgarlikka tortiladi. Qonunga ko’ra, bu jarima yoki ikki yilgacha qamoq jazosiga olib kelishi mumkin.

Bu holat pora berish yomon va befoyda variant ekanligini yana bir bor ko’rsatadi. Bunday «yechimlar» deyarli har doim pul, erkinlik va kelajakni yo’qotish bilan yakunlanadi.