Pora bermoqchi bo‘lgan migrant oson qutildi

Samara viloyatining Koshkinskiy tumanida chet ellik fuqaro yo’l harakati politsiyasi xodimlariga pora berishga uringani uchun hibsga olingan. Politsiya ma’lumotlariga ko’ra, voqea 2025-yil oktyabr oyi oxirida federal avtomagistralda sodir bo’lgan. Yo’l harakati politsiyasi xodimlari MDH mamlakatlari biridan kelgan 34 yoshli haydovchini hujjatlarni tekshirish uchun to’xtatgan.

Tekshiruv davomida erkakning haydovchilik guvohnomasi va sug’urtasi yo’qligi aniqlandi. Xodimlar ma’muriy bayonnomalar tuzayotgan paytda, haydovchi ularga jazodan qochish uchun pul taklif qilgan. Yo’l harakati politsiyasi xodimlari rad etishgan va uni jinoiy javobgarlik haqida ogohlantirishgan. Shunga qaramay, erkak pulni patrul mashinasiga qo‘ygan. Shundan so‘ng u hibsga olingan.

Tergov qo’mitasi Rossiya Jinoyat kodeksining 291.2-moddasi – mansabdor shaxsga pora berishga urinish bo’yicha jinoiy ish qo’zg’atdi. Bundan tashqari, xorijiy fuqaroga haydovchilik guvohnomasi va sug’urtasiz mashina boshqargani uchun bayonnomalar tuzildi. Sud unga ma’muriy huquqbuzarlik uchun 1300 rubl jarima soldi. Erkak hozirda xorijiy fuqarolar uchun vaqtinchalik saqlash markazida saqlanmoqda va uning jinoyat ishi bo’yicha sud qarorini kutmoqda. Migratsiya xizmati ma’lumotlariga ko’ra, sud jarayoni tugagandan so’ng, u Rossiyadan deportatsiya qilinishi va bir necha yilga kirish taqiqlanishi mumkin.

Shuni aytish lozimki, pora berganlik uchun haqiqiy qamoq jazosi ham olish mumkin. Bu safar muhojirning omadi keldi, deyish mumkin. Boshqalarga esa tavsiyamiz: Rossiyada mansabdor shaxslarga pora berishga urinib yurmang. Bu ish maxsus uyushtirilishi ham mumkin.