Путин: Россия қонунларини бузган мигрантларга кескин чоралар кўриш керак

Россия президенти Ички ишлар вазирлигини экстремизм билан шуғулланган ноқонуний мигрантларни мамлакатдан чиқариб юборишга чақирди.

“Ноқонуний мигрантлар ва Россия қонунини бузганларга нисбатан энг қатъий чоралар кўрилиши, Россиядан бадарға қилиш ва мамлакат ҳудудига киришни тақиқлаш шулар жумласидан, – деган Владимир Путин. Экстремизмнинг ҳар қандай кўриниши, тартиб-таомилларни бузиш ва ноқонуний меҳнат фаолияти билан шуғулланиш тезкор қарорлар қабул қилишга асос бўлади”.

Унинг қўшимча қилишича, “ноқонуний миграция негизида ўзининг жиноий бизнесини қурадиганлар учун” ҳам кескин оқибатлар бўлиши керак.