Qirg‘izistonda o‘zbekistonlik noqonuniy migrantlar qo‘lga olindi

Maxsus xizmatlar Qirg‘izistonga noqonuniy migratsiya kanalini tashkil qilgan ikki nafar xorijlikni qo‘lga oldi. Bu haqda Qirg‘iziston Respublikasi Milliy xavfsizlik davlat qo‘mitasi matbuot markazi xabar berdi.

Kuch ishlatar organlardagi manba O‘zbekiston va Turkiya fuqarolari 7-aprel ko‘chasidagi qurilish ob’yektlaridan birida noqonuniy ishlayotganini ma’lum qilgan edi. Bundan tashqari, muhojirlardan biri o‘zining ijtimoiy tarmoqlarida hech qanday xavfsizlik uskunasisiz qurilish krani ustida turgani aks etgan videolarni joylashtirgan.

Milliy xavfsizlik davlat qo‘mitasi matbuot markazining ma’lum qilishicha, ular qurilish maydonini tekshirib, Qirg‘izistonga turistik vizasi bilan kelgan va mamlakatda ishlash huquqiga ega bo‘lmagan 46 nafar xorijlik ishlagan noqonuniy migratsiya kanalini aniqlagan. Qirg‘iziston Respublikasida bo‘lishning belgilangan tartibi va mehnat faoliyatini amalga oshirish qoidalarini buzganliklari uchun har biriga 10 ming so‘mdan, chet el ishchi kuchini jalb qilish va ulardan foydalanish qoidalarini buzganlik uchun qurilish tashkiloti rahbariyatiga bayonnoma tuzildi.

Bundan tashqari, noqonuniy migratsiya kanalini tashkil qilgan ikki nafar xorijlik qo‘lga olinib, Bishkek ichki ishlar bosh boshqarmasining vaqtinchalik saqlash hibsxonasiga joylashtirilgan. Tergov davom etmoqda.