Qozog’iston migratsiya siyosatini kuchaytirmoqchi

Qozog’iston 30 kundan ko‘p muddatga kelgan xorijiy fuqarolarni ro’yxatga olishni qayta tiklash va deportatsiya jarayonini soddalashtirish rejalashtirmoqda

«Xorijiy fuqarolarni ro’yxatga olish qoidalarini qaytarish masalalari ko’rib chiqilmoqda, bu turistlarga emas, balki Qozog’istonda 30 kundan ortiq bo’lishni maqsad qilganlarga taalluqli bo’ladi», – deydi migratsiya xizmati rahbari Aslan Atalikov.

Ro’yxatga olishni axborot texnologiyalaridan foydalanib, soddalashtirilgan tarzda amalga oshirish mumkin bo’ladi. Ichki ishlar vazirligi, shuningdek, soxta ro’yxatga olish uchun javobgarlikni kuchaytirishni va qoidabuzarlarni deportatsiya qilish tartibini tezlashtirishni rejalashtirmoqda.