Qozog‘istonda buzilib qolgan avtobusdagi 34 o‘zbekistonlik qutqarildi

9-dekabr kuni soat 23:45 da «Almati-Toshkent» avtomobil yo‘lining 592-kilometrida, Jualiy tumanida «Yutong» rusumli yo‘lovchi tashuvchi avtobus texnik nosozlik tufayli to‘xtab qolgan. Bu haqda viloyat FVV xabar berdi.

Avtobus Almati shahridan Nukus shahriga (O‘zbekiston Respublikasi) qadar qatnagan. Jambul viloyati Favqulodda vaziyatlar departamenti kuchlari tomonidan 41 nafar yo‘lovchini evakuatsiya qilish ishlari tashkil etilgan. Ularning 34 nafari O‘zbekiston Respublikasi fuqarolari va 7 nafari Qozog‘iston Respublikasi fuqarolari bo‘lib, jumladan ikki nafari bolalar.

Yo‘lovchilar Shaqpaq Ata qishlog‘idagi bolalar san’at maktabiga olib borilgan. Voqea oqibatida hech kim jarohatlanmagan.

Almati shahridan yo‘lovchilarni olib ketish uchun yangi avtobus yuborilgan va 10-dekabr kuni soat 07:00 da barcha yo‘lovchilar bexatar ravishda manzilga yetib olishgan.

Jambil viloyati FVV aholi va viloyat mehmonlariga noqulay ob-havo sharoitida uzoq masofalarga sayohat qilishdan tiyilish kerakligini eslatadi. Yong‘in yoki favqulodda vaziyat yuzaga kelgan taqdirda 101 yoki 112 raqamlariga tezkor xabar berishingiz kerak, bu qo‘ng‘iroqlar bepul amalga oshiriladi.