Рамзан Қодиров хавфсизлик кучларини провокацияда айблади

Қодиров хавфсизлик кучларининг Москва яқинидаги Котелникидаги масжидга бостириб киришини провокация деб атади.

Чеченистон раҳбари Рамзан Қодиров Давлат думаси депутати Адам Делимхоновга Москва яқинидаги Котелникидаги намозхонага қилинган рейд масаласини кўриб чиқишни топширганини айтди. Бу ҳақда у ўзининг телеграм-каналида ёзган.

“Мен ҳуқуқ-тартибот идоралари ходимларининг нопрофессионал ва қўпол ҳаракатларини миллатлараро тинчликнинг мустаҳкам пойдеворига путур етказиш мақсадида қилинаётган  орқамиздаги провокация деб биламан”, деб ёзади у.

Унинг таъкидлашича, “намоз пайтида намозхонларга нисбатан қўпол ва ҳурматсиз муносабат ҳеч ким томонидан табиий қабул қилинмаслиги керак”.

Аввалроқ Baza телеграм-каналида ОМОН кийимидаги одамлар намозхона атрофида айланиб юргани акс этган видео эълон қилинган эди.

15 июл куни Чеченистон раҳбари Рамзан Қодиров республика раҳбари сайловида иштирок этишни режалаштираётганини маълум қилди. Қодиров фуқароларни унинг олиб ташланиши ва унинг ўрнига бошқа шахсни тайинланаётгани ҳақидаги миш-мишларга ишонмасликка чақирди. Сиёсатчи унинг ўрнида “ҳеч ким қидирилмаётгани” ва кимнидир излашга “йўл қўймаслигини” таъкидлаган.

Аввалроқ Қодиров ҳеч қачон Россияда президентликка номзодини қўймаслигини айтганди.