Россия авиакомпаниялари Ўзбекистонга “учбурчак” схемаси бўйича парвоз қила олади

Бу бир давлатнинг авиаташувчиси бошқа мамлакатда ички рейсларни амалга ошириш ҳуқуқини қўлга киритганда ишлайди. Мисол тариқасида Москва – Тошкент – Бухоро – Москва рейсини келтириш мумкин.

Схемага республиканинг 5 та шаҳри: Тошкент, Бухоро, Наманган, Самарқанд ва Урганч киради.

Аввалроқ Ўзбекистон томони “учбурчак” схемаси бўйича парвозлар учун Москва, Санкт-Петербург, Новосибирск, Екатеринбург ва Қозонни танлаган эди.

Бугунги кунда Россия авиакомпаниялари Ўзбекистоннинг 13 та шаҳрига, Ўзбекистон авиакомпаниялари Россиянинг 33 та шаҳрига парвозларни амалга ошириши мумкин, деб хабар беради Sputnik Ўзбекистон.