Россия Федерациясидаги кичик ва ўрта бизнес компанияларнинг 54 фоизи янги ходимларни ёллашни тўхтатди

Энди зарурат туғилган тақдирдагина янги ишчи қабул қилинади, акс ҳолда мавжудларига юкламалар кўпайтирилади.

Шу билан бирга, ушбу соҳадаги иш берувчи компанияларнинг 58 фоизи яқин келажакда бозордаги ўз ўринларини барқарор деб ҳисобламоқда.

Россия кичик ва ўрта бизнес вакилларининг 50 фоиздан ортиғи ходимларни танлашни тўхтатаётганини тан олди. Буни 2022 йил 29 март куни 110 нафар россиялик тадбиркор ўртасида ўтказилган сўров натижалари тасдиқлайди.

“Кичик ва ўрта бизнес иш берувчиларининг 58 фоизи қисқа муддатда бозордаги ўз ўрнини барқарор деб баҳолашини маълум қилди. Яна 24 фоизи ижобий, фақат 18 фоизи пессимистик қарашларга эга. Кичик ва ўрта бизнес субъектларининг 54 фоизи энди янги ходимлар ишга олишни тўхтатаётганликларини, бироқ мавжуд жамоани сақлаб қолиш учун барча саъй-ҳаракатларини амалга оширилаётганлигини тан олди. Ҳар ўнинчи тадбиркор (10%) яқин келажакда ишчилари билан хайрлашишни бошлашини ёки ҳеч бўлмаганда бунга тайёргарлик кўришини айтди. Респондентларнинг учдан бир қисми эса (33%) аввалгидек ишга олишни давом эттирмоқчи, ҳатто уларда ишга олиш суръатини ошириш нияти ҳам мавжуд”, — дейилаи сўров натижаларига таяниб.

Таҳлиллар шуни кўрсатдики, кадрлар билан ишлаш соҳасидаги турли масалалар қаторида бугунги кунда кичик компаниялар моддий ва номоддий рағбатлантириш, ходимларни ушлаб туриш (25%), тежамкорлик шароитида одамларни излаш (14%), кичик компанияларнинг корпоратив маданиятидаги уларнинг роли (14%), шунингдек масофавий ходимлар билан самарали ишлаш (12%), кадрларни ривожлантириш ва ўқитиш (11%) масалаларига этибор қаратмоқда.

“Биз hh.ru хизматларига тадбиркорларнинг доимий қизиқишини қайд этиб борамиз. Халқаро социалистик бюронинг мижоз-иш берувчилари ўртасида ўтказилган сўровлардан ҳозирда иш берувчилардаги кайфият пессимистликдан кўра кўпроқ эҳтиёткорлик эканини билишимиз мумкин. Бу кичик компанияларнинг меҳнат бозоридаги ҳаракатларида қандай ифодаланади? Мижозларнинг 25-30 фоизи кутиш ва томоша қилиш позициясини эгаллаган. Уларда режалар борлигини ва янги ходимлар кераклигини тасдиқлашмоқда, аммо ҳозирча улар ишчи қидирувини кейинга қолдирмоқчи. Қўшимча ишчи зудлик билан зарур бўлгандагина янги ходим ишга қабул қилинади. Бошқа барча ҳолатларда, ишга қабул қилиш вақтинчалик тўхтатилади ва ҳозирги жамоа билан ишлаш жараёни кучайтирилади”— дейди Роман Сидоров, “Кичик ва ўрта бизнес” бўйича hh.ru бренди менежери.