Россия ИИВнинг Ўзбекистондаги ваколатхонасининг иш тартиби узайтирилди

Россияда Ватандошларни ихтиёрий кўчиришга кўмаклашиш Давлат дастури амал қилади. Мазкур дастурнинг вазифаси – ватандошларга ва уларнинг оилаларига Россияга кўчиб бориши ва жойлашиши, иш билан таъминланиши, давлат хизматларидан фойдаланиши ва РФ фуқаролигини олишига ёрдам бериш.

Россия Ички ишлар вазирлигининг Ўзбекистондаги ваколатхонасига фуқаролар кўплаб мурожаатлар билан келишади. Ихтиёрий кўчириш масаласида келувчи мурожаатчиларни кўпроқ қабул қилиш учун Россия ИИВнинг Тошкент шаҳридаги ваколатхонаси янги иш графигига ўтди.

Энди Давлат дастурида иштирок этиш учун душанбадан жумагача соат 8.00 дан 20.00 гача (тушлик танаффус 13.00 дан 13.45 гача) ваколатхонага мурожаат қилишингиз мумкин.

Ваколатхона манзили: Тошкент шаҳри, Ракатбоши кўчаси, 8-тор кўча, 35-уй.