Россия минтақаларида янги йилдан бошлаб муҳожирлар меҳнатини тақиқлаш бошланади

Нима учун бундай тақиқлар жорий этилган?

Минтақа раҳбарлари мигрантлар учун барча турдаги тақиқларни киритиш ҳуқуқига эга.

Минтақа раҳбарлари чекловлар билан қуйидаги муаммоларни ҳал қилишга уринишмоқда:

• меҳнат ресурсларини қайта тақсимлаш;
• иш ҳақи даражасини сақлаб қолиш;
• иш ўринларини яратиш;
• тақдим этилаётган хизматлар сифатини ошириш;
• россияликларни ишга олишда  устуворлик;
• миллий хавфсизликни ошириш.

Кўпгина чекловлар умумий овқатланиш, алкоголли ичимликлар савдоси ва жамоат транспорти соҳасидаги ташкилотларга тегишли.

Россия Федерацияси Марказий банки раҳбарининг сўзларига кўра, Россия иқтисодиёти кадрлар етишмаслигини бошдан кечирмоқда.

Тақиқлар кимларга тааллуқли эмас?

Тақиқлар патент билан ишлаётган Озарбайжон, Тожикистон, Ўзбекистон ва Украина каби давлатлардан визасиз режимда келган мигрантларга таъсир қилади.

Тақиқлар қуйидагиларга тааллуқли эмас:

• Евросиё Иқтисодий Иттифоқи (ЕОИ) давлатлари фуқаролари: Арманистон, Беларусия, Қозоғистон ва Қирғизистон;
• ВНЖ ва РВПга эга мигрантлар;
• Россияда ишлаш учун рухсатномага эга бўлган хорижлик фуқаролар;
• юқори малакали кадрлар.

2024 йил учун қайси ҳудудларда ва қайси ишлар учун тақиқ жорий қилинган?

Чекловлар Калининград, Калуга, Новосибирск, Тула, Тюмен ва Челябинск вилоятларида, шунингдек, Югра ва Якутияда жорий этилди. Айрим вилоятлар биринчи марта 2014 йилда мигрантларнинг муайян ҳудудларда ишлаш имкониятини чеклаб қўйган ва ҳар йили тақиқларни узайтираётган эди.

2023 йил 22 ноябрда Магадан вилояти минтақалар рўйхатига қўшилди. Вилоят губернатори 2024 йилдан бошлаб мигрантларнинг транспортда ишлашини тақиқловчи қарорни имзолади. Тақиқ автобус ва таксиларда йўловчи ташишга таъсир кўрсатди.

6 декабр куни Калининград вилояти губернатори 2024 йил учун мигрантлар меҳнатига чекловлар жорий этиш ҳақидаги фармонни имзолади. Чекловлар чет эл фуқароларининг нон ишлаб чиқариш, қандолатчилик фабрикалари ва озиқ-овқат ишлаб чиқариш соҳасида патент бўйича ишлашига таъсир кўрсатди. Мигрантларга йўловчи ташиш, меҳмонхоналарда ишлаш, таълим ёки ишга жойлашиш тақиқланади. Тақиқ маълумотларни қайта ишлаш ва ахборот хизматларини кўрсатишга ҳам таъсир кўрсатди.

Курган вилоятида 2024 йилдан бошлаб болалар озиқ-овқатлари, парҳез маҳсулотлар ишлаб чиқариш, йўловчи ташиш соҳаларида хорижликларни патент асосида ишга жойлаштиришни тақиқлаш жорий этилади.

Тула вилоятида хорижликлар учун алкогол ва тамаки маҳсулотларини чакана сотиш, умумий овқатланиш ва йўловчи ташиш бўйича чекловлар жорий этилди.

Ханти-Манси автоном округи губернатори муҳожирларга болалар ва парҳез овқатлар ишлаб чиқариш, таълим, тамаки ва алкогол маҳсулотларининг чакана савдоси билан шуғулланишига қўйилган тақиқни узайтирди. Йўловчи ташиш тақиқланди. Ханти-Манси автоном округида биринчи марта чекловлар 2021 йилда жорий этилган эди.

Транспорт соҳасидаги чекловлар энг кенг тарқалган чекловлар турларидан биридир. 2023 йилнинг ноябрида автобус ва таксиларни ҳайдаш тақиқини узайтириш тўғрисидаги худди шундай фармон Челябинск вилоятида, 2022 йил қишда эса Калуга вилоятида имзоланган эди.

Қабул қилинган қарорлар, минтақалар раҳбарларининг фикрича, Россия меҳнат бозоридаги вазиятни барқарорлаштиришга қаратилган. Иш берувчилар ва ходимлар томонидан миграция қонунчилиги талабларига риоя этилиши тегишли ҳудудларнинг Россия Ички ишлар вазирлиги томонидан назорат қилинади.