Россия муҳожирларни текшириш учун сунъий интеллектни қўллайди

Россия сунъий интеллект ёрдамида ҳужжатларни аутентификация қилиш тизимини ишлаб чиқди, бу идентификация жараёнини сезиларли даражада яхшилайди. Шунингдек, ноқонуний миграция ва фирибгарликка қарши курашда ёрдам беради. Smart Engines ИТ-компанияси томонидан ишлаб чиқилган СИ Россия Рақамли ривожланиш, алоқа ва оммавий коммуникациялар вазирлигининг Россия дастурларининг ягона реестрида қўлланилмоқда.

Тизим Россия ва МДҲ давлатлари, жумладан Арманистон, Беларус, Қозоғистон, Молдова, Тожикистон, Ўзбекистон фуқаролари паспортларининг ҳақиқийлигини текширишга қодир бўлган интеллектуал алгоритмдир.

Ушбу тизимнинг асосий хусусиятлари қуйидагилардан иборат:

Текшириш тезлиги: Текширув жараёни уч сония вақтни олади, бу уни тезда амалга ошириш имконини беради.

Кўп спектрли текшириш: Тизим кўп спектрли текшириш технологияларидан, жумладан оптик, ултрабинафша ва инфрақизил спектрлардан фойдаланади, бу текширувни янада ишончли ва кенгроқ қилади.

Локал иш станциясида ишлаш: тизим автоном ишлайди ва доимий тармоқ уланишни талаб қилмайди, бу маълумотларнинг махфийлигини таъминлайди.

Ушбу технология турли бизнес секторлари ва давлат ташкилотларида фойдали бўлиши мумкин. Хусусан, банклар, нотариал идоралар, алоқа операторлари, авиакомпаниялар ва аэропортларда мижозларни аниқлаш ва фирибгарликларнинг олдини олиш учун фойдаланиш мумкин. Шунингдек, у иш берувчиларга янги ходимларни ёллашда қўшимча хавфсизлик ва ҳужжатларни аутентификация қилишда ёрдам бериши мумкин.