Россия шаҳарларига авиачипталар нархи арзонлашди

Uzbekistan Airways авиакомпанияси Ўзбекистондан Россия шаҳарларига авиақатновларда авиачипталар нархлари пасайтирилганини эълон қилди.

Эслатиб ўтамиз, бугунги кунда Uzbekistan Airways Ўзбекистон шаҳарларидан, жумладан Намангандан Москва, Санкт-Петербург, Қозон, Сочи, Уфа, Екатеринбург, Оренбург, Самара, Красноярск, Краснодар, Омск, Иркутск, Пермь, Минеральние води, Владивосток каби шаҳарларга мунтазам авиақатновларни амалга оширмоқда.

Авиачипталарни авиакомпаниянинг www.uzairways.com расмий сайтидан 3% чегирма билан, Uzbekistan Airways Sales филиалидан ёки авиакомпания агентларидан харид қилишингиз мумкин, деб хабар беради Uzbekistan Airways матбуот хизмати.