Россия Ўзбекистонга мунтазам авиарейслар сонини оширмоқда

14 мартдан бошлаб Россия 16 давлатга авиарейслар сонини оширади. Улар орасида Ўзбекистон ҳам бор.

Россияга янги коронавирус инфекциясининг олиб кириши ва тарқалишининг олдини олиш бўйича тезкор штаб йиғилиши ўтказилди, деб хабар беради коронавирус тарқалишига қарши тезкор штаб вакиллари.

Унда Озарбайжон, Арманистон, Баҳрайн, Ветнам, Ҳиндистон, Ироқ, Эрон, Қозоғистон, Қирғизистон, Малдив ороллари, Мўғулистон, Саудия Арабистони, Сербия, Тожикистон, Таиланд, Ўзбекистон каби давлатлар билан мунтазам парвозлар сонини ошириш ҳақида қарор қилинган.