Россия ва Қирғизистон ўртасида темир йўл алоқаси тикланмоқда

Россия ва Қирғизистон 6 июндан темир йўлда йўловчи ташишни тиклайди. Бу ҳақда «Кыргыз темир жолу» хабар берди. 

• Компания берган маълумотларга кўра 6 июндан бошлаб Бишкек-Қозон поезди ҳафтасига бир марта ҳаракатланади.
• 8 июндан бошлаб Бишкек-Самара поезди ҳафтасига икки марта: чоршанба ва жума кунлари қатнайди.
• Бишкек-Новосибирск поезди 9 июндан, ҳар 8 кунда бир марта ҳаракатлана бошлайди

Мамлакатга кириш учун ЕОИИ мамлакатларидан келувчи йўловчилар икки давлат чегарасини кесиб ўтишда камида 72 соат олдин коронавирус тестидан манфий тест натижасини кўрсатиши керак бўлади. Маълумотномани шунингдек “COVID-19 сиз саёҳат қиламан” иловасида кўрсатиш мумкин.

Икки давлат ўртасидаги темир йўл қатновлари коронавирус пандемияси сабали 2020 йил 17 мартдан тўхтатилган эди.