Россияда 2023 йил учун «РВП»га рухсатномалар бериш квотаси қисқартирилди

Россия Вазирлар Маҳкамаси 2023 йил учун чет элликлар ва фуқаролиги бўлмаган шахсларга Россияда ватинчалик яшаш учун рухсатномалар (РВП) бериш учун 13535 бирлик миқдорида квотани белгилади.

Вақтинчалик яшаш учун захира квотаси 4060 та рухсатномадан иборат бўлади. Бу ҳақда “Российская газета” хабар берди.

2022 йилда квота сони 18955 тани ташкил этган. Шундай қилиб келгуси йил учун уларнинг сони 5420 тага қисқартирилган.

Квоталар учун рухсатномаларнинг аксарияти Москва ва Москва вилояти (жами 2,75 мингта), Бошқирдистон ва Татаристон (ҳар бир республика учун 500 та), шунингдек Санкт-Петербургга (400 та квота) ажратилган.