Rossiyada 24 soat ichida pnevmoniyani chaqiruvchi gripp virusi ko‘paymoqda

Rossiyada grippning A (H1N1) virusi ko‘paymoqda, bu virus asoratlarga olib kelishi mumkin. Bu haqda «Роспотребнадзор» ma’lum qildi, deb xabar beradi TASS.

«Bu fasl uchun xos bo‘lgan o‘tkir respirator virusli infeksiyalarning faolligi oshishi kuzatilmoqda. Infeksiya qo‘zg‘atuvchilar tuzilishida gripp viruslari ulushi ortib bormoqda, ular orasida A (H1N1) 2009 virusi ustunlik qilmoqda. Bu virus boshqalarga nisbatan ko‘proq kasallikning og‘ir kechishiga va o‘pka asoratlariga olib keladi», — deyiladi «Роспотребнадзор» ma’lumotida.

Ma’lumotlarga ko‘ra, gripp og‘ir oqibatlarning rivojlanishiga 1 kun ichida olib kelishi mumkin, eng ko‘p uchraydigan asorat — pnevmoniya bo‘lib, u barcha asoratlarning 65 foizini tashkil etadi. Shuningdek, pnevmoniya o‘lim holatlariga ham olib kelishi mumkinligi qo‘shimcha qilindi.

31-dekabr kuni «Роспотребнадзор» grippning oldini olish choralari haqida eslatdi. Maxsus tashkilot mutaxassislari qo‘llarni sovun bilan yuvish, antiseptikdan foydalanish, telefonni muntazam antiseptik vositalar bilan artib turishni maslahat berishdi. Shuningdek, ORVI yoki grippning ilk belgilari — yo‘tal, burun oqishi, yuqori harorat yoki tanadosh og‘riq paydo bo‘lganda, shifokorga murojaat qilishni kechiktirmaslik muhim ekanligi ta’kidlandi.

Dekabr oyida Rossiyada mikoplazmali pnevmoniya bilan kasallanish holatlari o‘sgani qayd etildi. Ko‘proq bolalar va immuniteti susaygan kishilar bu kasallik bilan og‘rimoqda.